प्रतिनिधिसभा र प्रदेश निर्वाचन क्षेत्रको सिट बाँडफाँट मिलाउन पाँचदलीय सत्ता गठबन्धनको बैठक प्रधानमन्त्री निवास बालुवाटारमा डेढ महिनादेखि बसिरहेको छ । तर, गठबन्धनमा रहेका राष्ट्रिय जनमोर्चाबाहेकका चार दलबीच प्रत्यक्ष १ सय ६५ मध्ये हालसम्म १ सय २६ सिटमा मात्रै सहमति जुटेको एक वरिष्ठ नेताले बताए । खासगरी मधेस प्रदेशमा कांग्रेस र जसपाको अडानका कारण सहमति हुन सकेको छैन । दुवै दलले कुल ३२ मध्ये आधा/आधा सिट दाबी गरेका छन् ।
राष्ट्रपति विद्यादेवी भण्डारीले संवैधानिक समयसीमाभित्र नागरिकतासम्बन्धी विधेयक प्रमाणीकरण गर्ने तत्परता नदेखाएपछि सरकार सशंकित बनेको छ । मंगलबारको संवैधानिक समयसीमा सकिन एक दिन मात्र बाँकी रहँदा पनि राष्ट्रपतिबाट संकेत नपाएपछि विधेयक प्रमाणीकरण नभए के गर्ने भन्नेबारेमा प्रधानमन्त्रीले सत्ता गठबन्धनका दलसँग छलफलसमेत थालेका छन् ।
प्रमुख राजनीतिक दलले आसन्न आमनिर्वाचनका लागि समानुपातिकतर्फका उम्मेदवारको बन्दसूची सोमबार मात्र बुझाउने भएका छन् । निर्वाचन आयोगले आइतबार र सोमबार बन्दसूची पेस गर्ने निर्वाचन आयोगको कार्यतालिका भए पनि नाम टुंगो लगाउन ढिला भएकाले प्रमुख दलहरूले अन्तिम घडीमा मात्र नामावली बुझाउने भएका हुन् ।
आगामी संघ र प्रदेश निर्वाचनका लागि जिल्ला र प्रदेशबाट सिफारिस गरिएका नामबाट उम्मेदवार छनोट गर्न राजनीतिक दलहरूलाई सकसपूर्ण बनेको छ । जिल्ला र प्रदेशस्तरका समितिले विवादबाट जोगिन आकांक्षी सबैको नाम पठाइदिएपछि उम्मेदवार छान्ने पूरै जिम्मा केन्द्रको थाप्लोमा परेको छ । आकांक्षीहरूले ‘लबिइङ’ गरेर शीर्ष नेताहरूलाई थप दबाब सिर्जना गरिरहेका छन् ।
महाराजगञ्जस्थित शशांक कोइराला निवासमा बुधबार बिहान खचाखच कार्यकर्ता थिए । त्यही माझबाट एक वृद्धको अलि चर्को आवाज आयो, ‘अहिलेसम्म हामीले तपाईंहरूलाई नेता मान्दै आयौं, अब पनि हाम्रो पालो आएन भने तपाईंलाई किन नेता मान्ने ?’ यसरी प्रश्न गर्ने चितवनका ७० वर्षीय डोलनाथ रेग्मी थिए । उनले गिरिजाप्रसाद कोइरालाले बाटामा देख्दा गाडी रोकेर हालखबर सोध्ने गरेको तर अहिलेका नेताहरूले त्यति पनि नगरेको गुनासो समेत सुनाए ।
गणतन्त्र नेपालका प्रथम राष्ट्रपति रामवरण यादवले संघीय संसदका दुवै सदनले दोस्रोपटक पारित गरेर लालमोहरका लागि पठाएको नागरिकता विधेयक राष्ट्रपति विद्यादेवी भण्डारीले प्रमाणीकरण गर्नुबाहेक अन्य विकल्प नभएको बताएका छन् ।
निर्वाचन मिति घोषणा हुनुअघिदेखि नै कांग्रेस नेता शेखर कोइराला आफ्नो क्षेत्र मोरङ–६ मा केन्द्रित हुन थालेका थिए । ०७४ को निर्वाचनमा एमालेका लालबाबु पण्डितसँग झिनो मतान्तरमा पराजित भएपछि कोइरालालाई पार्टी राजनीतिको आन्तरिक प्रतिस्पर्धामा मात्रै असर परेन, राष्ट्रिय राजनीतिमा समेत भूमिका खुम्चियो ।
अघिल्लो पटक समानुपातिक सूचीमा एक नम्बरमा नाम राख्दा नमानेर प्रत्यक्षतर्फ प्रतिस्पर्धामा उत्रिएका कांग्रेस नेता कृष्णप्रसाद सिटौला चुनावमा पराजित भए । यस पटक पनि समानुपातिक उम्मेदवार नबन्ने उनको प्रस्ट जवाफ छ ।
सत्ता गठबन्धनमा चुनावी तालमेल मिलाउन एक महिनादेखि छलफल चले पनि आइतबारसम्म सहमति भएको छैन । गठबन्धन दलहरूले संघमा अधिकतम सिट दाबी गरेपछि सहमति हुन नसकेको हो ।
