अनुमतिबिना यार्सा टिप्ने ७४ जनालाई जरिवाना 

उनका अनुसार अवैध बाटो प्रयोग गरी निकुञ्ज क्षेत्रमा यार्सा टिप्न जाने गरिएको छ ।

अधिकृत श्रेष्ठका अनुसार अनुमतिबिना कोही कसैलाई यार्सा टिप्न पाटनतर्फ जान नदिएको र लुकिछिपी यार्सा जानेलाई फेला पारेको खण्डमा पक्राउ गरी सम्झाइबुझाई गरी नियमबमोजिम दण्ड जरिवाना गरेर फिर्ता पठाउने गरिएको छ । यार्सा चोर्ने व्यक्तिलाई नियन्त्रण नगरेमा पछि अनुमति लिएर जाने संकलककर्तालाई घाटा लाग्ने, दुःख हुने निकुञ्जले जनाएको छ ।

डोल्पामा जेठ १० बाट यार्सा संकलन कार्य सुरु गर्ने सर्वदलीय निर्णय भएपछि विभिन्न गाउँबस्तीबाट स्थानीय यार्सा भएको क्षेत्रतर्फ जान थालिसकेका छन् । कम हिमपात र खडेरीले गर्दा यो वर्ष डोल्पामा कम यार्सा पाइने वरिष्ठ निकुञ्ज अधिकृत श्रेष्ठको भनाइ छ ।

डोल्पाका डोल्पूबोध गाउँपालिका, छार्काताङसुङ गाउँपालिका, काइके गाउँपालिका, जगदुल्ला गाउँपालिकालगायत क्षेत्रको ३२ स्थानमा यार्सा पाइने गरेको डिभिजन वन कार्यालयले जनाएको छ ।