कोशीमा एमाले र माओवादीले मागे प्रदेशसभाको निर्णय कार्यान्वयनको अवस्थाबारे जानकारी

बुधबार एमाले प्रदेशसभा संसदीय दलका नेता हिक्मतकुमार कार्की र माओवादी केन्द्रका प्रदेश संसदीय दलका नेता इन्द्र आङ्बोले प्रदेशसभा सचिवालयमा निवेदन पेश गर्दै सो निर्णय कार्यान्वयन भए/नभएको अवस्थाबारे जानकारी मागेका हुन् । उनीहरुले सो बैठकको निर्णय कार्यान्वयन भए/नभएको अवस्थाबारे प्रदेश प्रमुखसमक्ष जानकारी गराई त्यसको प्रतिलिपि आफूहरुलाई समेत उपलब्ध गराउन माग गरेका छन् ।

'संविधानको धारा १८३ को (३) बमोजिम आव्हान भएको कोशी प्रदेश सभाको अधिवेशनको बैठक २०८१ साल बैसाख ६ र ७ गते बसी उक्त बैठकले मुख्यमन्त्री माननीय केदार कार्कीले बहुमत प्रदेश सभा सदस्यको समर्थन गुमाई अल्पमतमा पर्नु भएकोले २०८० साल चैत्र २६ गतेका मितिले नेपालको संविधानको धारा १८८ (२) बमिजिमको अवधि भित्र प्रदेश सभाबाट विश्वासको मत लिन निर्देशन दिने संकल्प प्रस्ताव पारित भएको र सो अधिवेशनमा मुख्यमन्त्री ज्यूले विद्यासको मत लिन कुनै प्रस्ताव सभा समक्ष पेश नगर्नु भएको तथा बैसाख ७ गते नै अधिवेशन समाप्त भएको र सो अधिवेशनमा भएका निर्णयहरुको कार्यान्वयन भए/नभएको जानकारी माननीय प्रदेश प्रमुखज्यू समक्ष पठाइ सोको जानकारी हामी निवेदकलाई समेत उपलब्ध गराइदिनुहुन अनुरोध छ,' निवेदनमा उल्लेख छ ।