हाइड्रोलिकमा समस्या देखिएपछि दोहा उडेको वाइडबडी काठमाडौं फर्कियो
काठमाडौँ — २ सय ६५ यात्रु राखेर दोहातर्फ जाँदै गरेको नेपाल वायुसेवा निगमको वाइडबडीमा प्राविधिक समस्या देखिएपछि बिहीबार राति काठमाडौंबाट उडेको ४४ मिनेटमै त्रिभुवन अन्तर्राष्ट्रिय विमानस्थलमा फर्किएको छ ।
निगम प्राविधिक प्रवक्ता देवेन्द्र पुनका अनुसार अल्फा लिमा यंकी (अन्नपूर्ण )को हाइड्रोलिक सिस्टममा समस्या देखिएपछि चालकदलले १२ बजे राति उडेको वाइडबडीलाई काठमाडौं नै फर्काएका थिए ।
आरए–२३९ उडान नम्बरको उक्त विमानबाट दोहा जाने २ सय ६५ यात्रुलाई राति ३ बजे निगमको अर्को वाइडबी अल्फा लिमा जुलु (मकालु) जहाजमा पठाइएको थियो । मकालुको शुक्रबार बिहान ८ बजे र दिउँसो १:४५ बजे हुने दुवै उडानलाई मर्ज गरिएको दिल्ली उडान गर्ने तालिका थियो ।
पुनका अनुसार प्राविधिक समस्या देखिएको जहाजको काठमाडौंमा मर्मत हुँदैछ । ‘केही घन्टामा जहाज रिलिज हुने छ,’ उनले भने,‘त्यो जहाजले दिउँसो १ :४५ को निर्धारित दिल्ली उडान गर्ने छ ।’
प्रकाशित : चैत्र १६, २०८० १०:३८