जब मस्तिष्कले अन्तरिक्ष सम्झियो...
अन्तरिक्ष भनेपछि तिम्रो मस्तिष्कले के सोच्छ ? अझ त्यसलाई चित्रमा उतार्नुपर्यो भने तिमी के कोर्छौ ? हो, केही साथीले अन्तरिक्षलाई सम्झिएर चित्र कोरेका छन् र पुरस्कृत पनि भएका छन् । सन्दर्भ हो, सातौँ राष्ट्रिय विज्ञान दिवस ।
त्यस अवसरमा आयोजित तेस्रो राष्ट्रिय अन्तरिक्ष चित्रकला प्रतियोगितामा ललितपुरको लगनखेलस्थित क्याम्पियन स्कुल कक्षा ८ की सुयेन भट्टराई सबै प्रतिस्पर्धीलाई पछाडि पार्दै प्रथम भएकी छन् । नेपाल ‘एस्ट्रोनोमिकल सोसाइटी’ आधारभूत शिक्षा लिइरहेका विद्यार्थीका लागि २०७४ सालदेखि बर्सेनि यस्तो प्रतियोगिता गर्दै आएको छ ।
यो वर्षको प्रतियोगितामा गण्डकी बोर्डिङ स्कुल, लामाचौर, पोखरा की ७ कक्षामा अध्ययनरत आशिबा गुरुङ दोस्रो, द सेलिब्रेसन को–एड स्कुल, गोठाटार, काठमाडौंका ७ कक्षामा अध्ययनरत अमन बस्नेत तेस्रो भए भने पञ्चकन्या मावि छाउनी, काठमाडौंकी ८ कक्षामा अध्ययन सरिता रम्तेलले सान्त्वना पुरस्कार पाएका छन् । प्रथम हुनेलाई टेलिस्कोप, तक्मा र प्रमाणपत्र एवं दोस्रो, तेस्रो तथा सान्त्वनालाई तक्मा र प्रमाणपत्र प्रदान गरिने सोसाइटीले जनाएको छ ।
सुयेन भट्टराई, कक्षा : ८
क्याम्पियन स्कुल, ललितपुर
आशिबा गुरुङ, कक्षा : ७
गण्डकी बोर्डिङ स्कुल, पोखरा
अमन बस्नेत, कक्षा : ७
द सेलिब्रेसन को–एड स्कुल, काठमाडौं
सरिता रम्तेल, कक्षा : ८
पञ्चकन्या मावि, काठमाडौं