सरस्वती

कविता
कान्तिपुर संवाददाता

लेखपढ गर्ने विद्यार्थीलाईसधैं माया गर्छिन् उनी,उनीबाटै ज्ञान पाईसफल बन्छ हाम्रो जुनी ।

ZenTravel


वीणापुस्तक हातमा लिई
बसेकी छिन् हाँसमाथि,
सरस्वतीको भक्ति गर्दै
पढ्नलेख्न जुटौं साथी ।

ज्ञानकी देवी तिमीलाई
सेतो रङ मनपर्छ,
तिम्रै आशीर्वाद पाई
हाम्रो जीवन अघि बढ्छ ।

मिहिनेत गरी अध्ययन गर्छु
मेरै समीपमा आऊ,
लेखपढ गर्ने बेला सधैं
मेरो मस्तिष्कमा छाऊ ।
- शान्ता ज्ञवाली, कक्षा–६
अमरसिंह मावि, पोखरा

प्रकाशित : माघ १२, २०७६ १०:३३
ADVERTISEMENT
प्रतिक्रिया
पठाउनुहोस्

तारा तिमी

कविता
कान्तिपुर संवाददाता

यो देशका तारा तिमीले, धेरै जान्नुपर्छ,आफूभन्दा ठूलालाई, तिमीले मान्नुपर्छ ।


सफा खाना खाने गर्नू, स्वस्थ हुनू सधैं,
गाली होइन यसलाई, ज्ञान ठान्नुपर्छ ।

खुला ठाउको खानेकुरा, रोगको हुन्छ घर,
नलोभिनू देखी तिनलाई, मनलाई बाँध्नुपर्छ ।

सफा–सुग्घर रहने गर्नू, हातमुख सधैं धुनू,
किटाणु हाम्रा दुश्मन हुन्, तिनलाई हान्नुपर्छ ।

फोहोर पानी पिउनु हुन्न, रोगव्याधि लाग्ला,
तताएर पिउने गर्नू, त्यसलाई छान्नुपर्छ ।।
- बाबुकाजी सुवाल
चाँगुनारायण नपा–२, झौखेल, भक्तपुर

प्रकाशित : माघ १२, २०७६ १०:३२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×