लेखपढ गर्ने विद्यार्थीलाई
सधैं माया गर्छिन् उनी,
उनीबाटै ज्ञान पाई
सफल बन्छ हाम्रो जुनी ।
वीणापुस्तक हातमा लिई
बसेकी छिन् हाँसमाथि,
सरस्वतीको भक्ति गर्दै
पढ्नलेख्न जुटौं साथी ।
ज्ञानकी देवी तिमीलाई
सेतो रङ मनपर्छ,
तिम्रै आशीर्वाद पाई
हाम्रो जीवन अघि बढ्छ ।
मिहिनेत गरी अध्ययन गर्छु
मेरै समीपमा आऊ,
लेखपढ गर्ने बेला सधैं
मेरो मस्तिष्कमा छाऊ ।
- शान्ता ज्ञवाली, कक्षा–६
अमरसिंह मावि, पोखरा
प्रतिक्रिया