वर्णन गर्न सक्दिनँ आमा
कसरी गर्छ्यौ यत्रो काम,
बिहानदेखि बेलुकीसम्म
सबैको मुखमा तिम्रै नाम ।
अँध्यारै उठी चिया बनाई
सबैको हातमा पुर्याई,
मेरा लागि दूध तताई
होमवर्क गर्न सघाई ।
लुगा धोई खाना पकाई
सबलाई तातो खाना खुवाई,
मलाई मीठो खाजा बनाई
आफू अफिस मलाई स्कुल पुर्याई ।
आमा नहुँदा घर बेकाम
रातिको खाना उनकै काम,
कसरी गर्छ्यौ यत्रो काम
मेरी आमा हुन महान् ।
- पुनम अधिकारी, कक्षा–८
अरुणिमा सेकेन्डरी स्कुल, काठमाडौं
प्रतिक्रिया