यो देशका तारा तिमीले, धेरै जान्नुपर्छ,
आफूभन्दा ठूलालाई, तिमीले मान्नुपर्छ ।
सफा खाना खाने गर्नू, स्वस्थ हुनू सधैं,
गाली होइन यसलाई, ज्ञान ठान्नुपर्छ ।
खुला ठाउको खानेकुरा, रोगको हुन्छ घर,
नलोभिनू देखी तिनलाई, मनलाई बाँध्नुपर्छ ।
सफा–सुग्घर रहने गर्नू, हातमुख सधैं धुनू,
किटाणु हाम्रा दुश्मन हुन्, तिनलाई हान्नुपर्छ ।
फोहोर पानी पिउनु हुन्न, रोगव्याधि लाग्ला,
तताएर पिउने गर्नू, त्यसलाई छान्नुपर्छ ।।
- बाबुकाजी सुवाल
चाँगुनारायण नपा–२, झौखेल, भक्तपुर