के चाओ एनलाई समलिंगी थिए ?- विश्व - कान्तिपुर समाचार
कान्तिपुर वेबसाईट
AdvertisementAdvertisement

के चाओ एनलाई समलिंगी थिए ?

बीबीसी

हङकङ — सुन्दर र सहरिया छाँटका चाउ ऐनलाईले २५ वर्षभन्दा बढी समय मुलुकको पहिलो प्रधानमन्त्रीका रूपमा संसारभर चीनको आधुनिक र प्रगतिशील छवि प्रतिनिधित्व गरेका थिए । माओत्से तुङजस्तै उनी पनि कम्युनिस्ट पार्टीका विशाल व्यक्तित्व थिए ।

तर माओभन्दा विपरीत कुरा, उनले चीनको उथुलपुथुलपूर्ण कम्युनिस्टकालमा आफ्नो परिचयलाई चाहिँ ज्युँकात्युँ नै राखेका छन् ।

यसैबीच, हङकङमा प्रकाशित एउटा नयाँ पुस्तकले उनीसम्बन्धी एउटा विवादास्पद ‘गोप्यता’ सार्वजनिक गरेको छ । लेखिका सोई विङ मुईले आफ्नो पुस्तक ‘सेक्रेट इमोसनल लाई अफ चाउ ऐनलाई’ मा उनी समलिंगी भएको दाबी गरेकी छन् ।

उनले आफ्ना एक पारिवारिक मित्र ली फुचियाङप्रति जीवनभर प्रेम राखेको किताबमा दाबी गरिएको छ । ‘चाउ ऐनलाई एक दु:खी पात्र हुन्,’ लेखिकाले बीबीसीसँग भनिन्, ‘उनी निकै प्रसिद्ध थिए । मिडियाका प्रिय थिए । तर उनका जीवनका कतिपय कुरा जटिल छन्, व्याख्या गर्न कठिन छ ।’

चाउको यौनिक अभिमुखीकरणले उनको यो रहस्यमयी पक्षलाई व्याख्या गर्न सघाउने लेखिकाको विश्वास छ । उनकी पत्नी तेङ यिङचाओसँग सुमधुर सम्बन्ध थिएन ।

हङकङमा न्यु सेन्चुरी प्रेसले यो पुस्तक प्रकाशित गरेको हो । यही पुस्तक प्रकाशन गृहले पूर्वप्रधानमन्त्री झाओ चियाङको स्मृतिग्रन्थ प्रकाशित गरेको थियो । उदारवादी प्रधानमन्त्री झाओलाई सन् १९८९ को तियानमेन प्रकरणपछि लखेटिएको थियो ।
 
लेखिकाले आफ्नो पुस्तक पनि चीनमा प्रतिबन्धित हुने ठानेकी छन् ।

प्रकाशित : पुस १६, २०७२ १०:१७
प्रतिक्रिया
पठाउनुहोस्

यसपालि उग्र बन्दै अलनिनो

बीबीसी

वासिङ्टन — अमेरिका अन्तरिक्ष संस्था नासाले हाल चालू ‘अलनिनो’ मौसमको असर सन् १९९८ को जत्तिकै खराब हुन सक्ने चेतावनी दिएको छ । सन् १९९८ मा अलनिनोका कारण विश्वको मौसम प्रणालीमा खलबली मच्चिएर विभिन्न खाले अतिशयी मौसमी घटनाहरू भएका थिए ।

अहिलेको अलनिनोलाई विभिन्न ठाउँमा आएका भीषण बाढी र उत्तरी धु्रवको अति गर्मी अवस्थासँग जोडिएको छ । मध्य प्रशान्त महासागरीय क्षेत्रको तातो पानी पूर्वतिर विस्तारित हुँदै उत्तर र दक्षिण अमेरिकातिर लाग्ने अवस्थालाई मौसम वैज्ञानिकहरूले अलनिनो भन्दै आएका छन् । यो हरेक २ देखि ७ वर्षमा हुने प्राकृतिक घटनाक्रम हो ।

अलनिनो वर्षको अन्ततिर मात्रै चरमोत्कर्षमा पुग्छ । जब कि यसको असरचाहिँ त्यसपछिको वसन्त ऋतु हुँदै १२ महिना कायम रहन्छ । ‘सन् १९९७ को डिसेम्बरदेखि यस्तै प्रवृत्ति देखिएको थियो । अहिले ठयाक्कै त्यही छ,’ नासाले भनेको छ, ‘यो भनेको एउटा शक्तिशाली अलनिनो हो ।’

यो वर्षको अलनिनोका कारण पछिल्लो ५ दशककै सबैभन्दा खराब बाढी पाराग्वे, अर्जेन्टिना, उरुग्वे र ब्राजिलमा देखा पर्‍यो । जसका कारण १ लाख ५० हजार मानिस घरबारविहीन भएका छन् । अमेरिकाका मिसौरी राज्यमा मात्र बाढी र आँधीका कारण १३ जनाको मृत्यु भएको छ ।

बेलायतको उत्तरी भूभागमा आएको भीषण बाढीको एउटा कारण पनि अलनिनोलाई नै मानिएको छ ।

यसैगरी, युरोपका बहुधा भूभाग र अमेरिकामा अहिले औसतभन्दा निकै बढी तापक्रम महसुस गरिएको छ । फ्रान्समा क्रिसमसका बेला सन् १९९७ कै हाराहारीमा गर्मी महसुस भयो ।

यसैगरी मन्द हावापानीका कारण यसपटक किसानले बालीमा पनि असर भोग्नुपरेको छ ।

प्रकाशित : पुस १६, २०७२ १०:१३
पूरा पढ्नुहोस्
प्रतिक्रिया
पठाउनुहोस्
×