नयाँ वर्षमा बेल्जियम हान्ने योजना, २ पक्राउ- विश्व - कान्तिपुर समाचार
कान्तिपुर वेबसाईट
AdvertisementAdvertisement

नयाँ वर्षमा बेल्जियम हान्ने योजना, २ पक्राउ

युरोपमा आतंक
एजेन्सी

ब्रसेल्स — बेल्जियन प्रहरीले नयाँ वर्षको पूर्वसन्ध्यामा ब्रसेल्समा हमलाको योजना बनाएको आशंकामा २ जनालाई पक्राउ गरेको छ ।

आइतबार र सोमबार ब्रसेल्सलगायत फ्लेमिस ब्राबान्ट र लिजे प्रान्तमा व्यापक सुरक्षा तलासी गर्दा सैन्य कपडा र कम्प्युटरहरू बरामद गरेको थियो । तर कुनै हतियार, विस्फोटक पदार्थचाहिँ फेला परेका छैनन् ।

नोभेम्बर १३ को पेरिस हमला यता बेल्जियम उच्च सतर्कतामा छ । हमलाको योजना नै बेल्जियममै बनेको थियो । एक मुख्य योजनाकार नै अझै त्यही फरार अवस्थामा छन् ।

यसपटक पक्राउ पर्नेहरूचाहिँ पेरिस हमलासँग जोडिएका छैनन् । पक्राउ पर्नेमध्ये एकचाहिँ आतंककारीहरूसँग प्रत्यक्ष सम्पर्कमा रहेको आशंका गरिएको छ । उनीहरू ब्रसेल्सका ‘सांकेतिक निसाना’ मा हान्ने योजनामा रहेको पाइएको सञ्चारमाध्यमले जनाएका छन् ।

प्रहरीले बरामद गरेको सामग्रीमा इस्लामिक अतिवादी समूह आईएसको प्रचारवस्तुसमेत परेको अधिकारीहरूले बताए । पेरिस हमलालगत्तै ब्रसेल्स आक्रमणकै डरका कारण ४ दिन पूरै ठप्प भएको थियो ।

स्कुल, विश्वविद्यालय र मेट्रो रेल सबै बन्द रहे । पेरिस हमलाका मुख्य योजनाकार अब्देलहामिद अबाहुद पनि एक बेल्जियन नागरिक हुन् । उनले केही समयअघि सिरिया यात्रासमेत गरेका थिए ।

यसैगरी बेल्जियन प्रहरीसहित युरोपभरको संयन्त्रले सलाह अब्देसलामको व्यापक खोजी गरिरहेको छ । उनी पनि ब्रसेल्समै जन्मेका हुन् । उनी पनि पेरिस हमलासँग प्रत्यक्ष सम्बन्धित छन् ।

उनका भाइ ब्राहिमले पेरिस हमलाकै क्रममा आफूलाई बमले उडाएका थिए । पछिल्ला वर्षमा बेल्जियमले इस्लामिक अतिवादी घटना नियन्त्रण गर्न संघर्ष गरिरहेको छ ।

प्रकाशित : पुस १५, २०७२ ०९:५७
प्रतिक्रिया
पठाउनुहोस्

कविशिरोमणिको गाउँको मुहार फेरिँदै

शिव शर्मा

लेखनाथ (कास्की) — केही वर्ष अघिसम्म कवि शिरोमणि लेखनाथ पौडयालको जन्मथलो अर्घौं–अर्चले सुनसान हुने गथ्र्यो । उनको जन्मदिनमा समेत घरमा पुगेर कसैले सम्झँदैन्थे । उनको जन्मघर पनि जीर्ण थियो । ‘सुरुमा कसैले गाउँमा आएर जन्मजयन्ती मनाउने कष्ट गरेनन्,’ स्थानीय समरबहादुर बिकले भने, ‘केही वर्षयता जन्मजयन्ती यतै आएर मनाउन थालेपछि चहलपहल पढेर गाउँको मुहार फेरिँदै छ ।’

कवि शिरोमणिको जन्मघर व्यवस्थित भई स्रष्टाहरू गाउँमै आएर सम्झना गर्न थालेपछि बेग्लै हुन थालेको छ । 

पैदल हिँड्नुपर्ने झन्झट मान्नेहरूका कारण साहित्यकर्मीका टोली जन्मघर पुग्न अप्ठ्यारो मान्थे । चार वर्षयता अब घरसम्मै सडक सुविधा पुगेपछि भने नियमित रूपमा जन्मघरमै आएर साहित्यप्रेमीले कविशिरोमणिको सम्झनामा कार्यक्रम गर्न थालेको गोत्रीय दाजुभाइ कृष्णप्रसाद पौडेलले बताए । ‘कविको जन्मघर संग्रहालयका रूपका विकास भई वर्षेनी सिंगारपटार हुन थालेपछि गाउँको पनि मुहार फेरिएको छ,’ उनले भने, ‘देशका विभिन्न ठाउँबाट कविको जन्मथलो हेर्न आउनेहरू बढेका छन् ।’ 

उनका अनुसार केही अघिसम्म यहाँ आउने नगन्य हुन्थे । जन्मजयन्तीमा स्थानीयले घरमा आएर फूल चढाउँथे, कार्यक्रम सकिन्थ्यो । कविशिरोमणिको संग्रहालय व्यवस्थित भएर गाउँमा साहित्यिक पर्यटक आउन थालेपछि गाउँ छाडेकाहरूसमेत फर्कने क्रम चलेको स्थानीय रामप्रसाद तिमिल्सनाले बताए । यही सम्भावना देखेर नै राजु पौडेल सहरबाट गाउँ फर्केर बाख्रापालन गरेर बसेका छन् । ‘गाउँमा विकास हुने सम्भावना देखेर फर्केर आएँ,’ उनले भने, ‘कविको घर संरक्षण हँुदै आगन्तुकहरू आउने क्रमले हामीलाई आशा जगाएको छ ।’ 

लेखनाथ नगरपालिकाको अर्घौंचोकबाट कविको जन्मथलो अर्चलेसम्म मोटरबाटो जोडिएपछि नै साहित्यिक गतिविधि र पिकनिक आउनेहरूसमेत बढेको पौडेलले बताए । कविको जन्मथलोलाई संरक्षण गर्दै गतिविधि बढाउन स्थानीयको पहलमा कवि शिरोमणि जन्मस्थान विकास समिति गठन भएपछि भने सबै जागरुक भएका छन् । समिति गठनअघि लेखनाथ साहित्य प्रतिष्ठानले कविको जन्मघरलाई संरक्षणमा चासो दिएको थियो । गत वैशाखमा गएको भूकम्पले कविको जन्मघरको अगाडि र पछाडिका भाग केही भत्केको थियो ।

जन्मस्थल विकास समितिले चन्दा संकलन, नगरपालिका र जिविसको सहयोगमा पुनर्निर्माण गरेको छ । समितिले अहिले घर वरिपरि बगैँचा, घर रंगरोगन तथा प्रवेशद्वारदेखि घरसम्म कविका चर्चित कविताहरूलाई शिलालेखमा उतार्ने काम पनि गरेको छ । कविको घरनजिकै सभा हल निर्माणाधीन छ । ‘अर्घौं अर्चलेलाई साहित्यक पर्यटनको रूपमा विकास गर्न दीर्घकालीन गुरुयोजना अघि सारेका छांै,’ जन्मस्थल विकास समितिका अध्यक्ष विश्वप्रकाश लामिछानेले भने, ‘कविकुञ्जको रूपका विकास गर्न हामी लागिपरेका छौं ।’

उनका अनुसार कविशिरोमणिको गाउँमा आएर साहित्यका लागि केही लेख्न चाहनेका लागि होमस्टेको व्यवस्थासमेत गर्न लागिएको छ । कविले कविता लेख्ने प्रेरणा पाएको घर नजिकैको दोपरे पाखोलाई समेत संरक्षण सुरु गरिएको छ । स्थानीयका अनुसार २०६० साल अघिसम्म संरक्षणको अभाव जीर्ण भएको कविको जन्मघर त्यसपछि भने प्रतिष्ठान र समितिको पहलमा घर मर्मतसंहार गर्दै संरक्षणको काम सुरु भएको हो । जन्मघरमा कवि सुत्ने खाट, उनले प्रयोग गरेका समान र उनका दुर्लभ तस्बिर लगायतका सामग्रीहरूको संग्रह गरेर राखिएका छन् । 

जन्मजयन्तीको भव्य तयारी 
कविशिरोमणिको बुधबार हुने जन्मजयन्तीको अवसरमा घर लिपपोत, सरसफाइदेखि प्रवेशद्वारमा रंगरोगनका काम भइरहेको छ । यति बेला कविको जन्मथलो अर्चले सिंगारिएको छ । समिति, प्रतिष्ठान र लेखनाथ नगरपालिकाले त्रिदिवसीय जन्मजयन्ती मनाइरहेको छ ।

प्रकाशित : पुस १५, २०७२ ०९:५६
पूरा पढ्नुहोस्
प्रतिक्रिया
पठाउनुहोस्
×