यसपालि उग्र बन्दै अलनिनो- विश्व - कान्तिपुर समाचार
कान्तिपुर वेबसाईट
AdvertisementAdvertisement

यसपालि उग्र बन्दै अलनिनो

बीबीसी

वासिङ्टन — अमेरिका अन्तरिक्ष संस्था नासाले हाल चालू ‘अलनिनो’ मौसमको असर सन् १९९८ को जत्तिकै खराब हुन सक्ने चेतावनी दिएको छ । सन् १९९८ मा अलनिनोका कारण विश्वको मौसम प्रणालीमा खलबली मच्चिएर विभिन्न खाले अतिशयी मौसमी घटनाहरू भएका थिए ।

अहिलेको अलनिनोलाई विभिन्न ठाउँमा आएका भीषण बाढी र उत्तरी धु्रवको अति गर्मी अवस्थासँग जोडिएको छ । मध्य प्रशान्त महासागरीय क्षेत्रको तातो पानी पूर्वतिर विस्तारित हुँदै उत्तर र दक्षिण अमेरिकातिर लाग्ने अवस्थालाई मौसम वैज्ञानिकहरूले अलनिनो भन्दै आएका छन् । यो हरेक २ देखि ७ वर्षमा हुने प्राकृतिक घटनाक्रम हो ।

अलनिनो वर्षको अन्ततिर मात्रै चरमोत्कर्षमा पुग्छ । जब कि यसको असरचाहिँ त्यसपछिको वसन्त ऋतु हुँदै १२ महिना कायम रहन्छ । ‘सन् १९९७ को डिसेम्बरदेखि यस्तै प्रवृत्ति देखिएको थियो । अहिले ठयाक्कै त्यही छ,’ नासाले भनेको छ, ‘यो भनेको एउटा शक्तिशाली अलनिनो हो ।’

यो वर्षको अलनिनोका कारण पछिल्लो ५ दशककै सबैभन्दा खराब बाढी पाराग्वे, अर्जेन्टिना, उरुग्वे र ब्राजिलमा देखा पर्‍यो । जसका कारण १ लाख ५० हजार मानिस घरबारविहीन भएका छन् । अमेरिकाका मिसौरी राज्यमा मात्र बाढी र आँधीका कारण १३ जनाको मृत्यु भएको छ ।

बेलायतको उत्तरी भूभागमा आएको भीषण बाढीको एउटा कारण पनि अलनिनोलाई नै मानिएको छ ।

यसैगरी, युरोपका बहुधा भूभाग र अमेरिकामा अहिले औसतभन्दा निकै बढी तापक्रम महसुस गरिएको छ । फ्रान्समा क्रिसमसका बेला सन् १९९७ कै हाराहारीमा गर्मी महसुस भयो ।

यसैगरी मन्द हावापानीका कारण यसपटक किसानले बालीमा पनि असर भोग्नुपरेको छ ।

प्रकाशित : पुस १६, २०७२ १०:१३
प्रतिक्रिया
पठाउनुहोस्

इरानद्वारा क्षेप्यास्त्र परीक्षण

बीबीसी

लन्डन — इरानी जलसेनाले अमेरिका युद्धक जहाज र अन्य व्यापारिक जलवाहन तैनाथ होर्मुज सामुद्रिक क्षेत्रमा गत साता क्षेयास्त्र परीक्षण गरेको छ ।

दुई देशबीच ऐतिहासिक आणविक सम्झौता भएलगत्तैको यो घटनाले द्विपक्षीय तनावलाई भड्काउने संकेत गरेको छ ।

अमेरिकी सैन्य प्रवक्ता काइले राइनेसका अनुसार इरानले दुई अमेरिकी जहाज र एउटा फ्रान्सेली फ्रिगेटबाट मात्रै १ हजार ३ सय ७० मिटरको दूरीमा विभिन्न ‘अनगाइडेड’ (कुनै निर्दिष्ट दिशा नभएका) रकेटहरू प्रहार गरेको हो ।

यो घटना ‘एकदमै उत्तेजक’ भएको राइनेसले बताए । ‘द स्ट्रेट अफ होर्मुज’ इरान र ओमानको बीचमा पर्ने साँघुरो जलमार्ग हो ।सामुद्रिक माध्यमबाट हुने तेल व्यापारको दुई तिहाइ यही मार्गबाट हुन्छ ।

आईएसविरुद्धको बहुद्देश्यीय लडाइँमा प्रयुक्त जहाजहरू पनि यही बाटोबाट ओहोरदोहोर गर्छन् ।

सन् २०१२ मा इरानले उक्त जलमार्ग बन्द गर्ने चेतावनी दिएको थियो । यो जलमार्ग खाडी क्षेत्रको मुखमै पर्छ । यसको सबैभन्दा सानो घाँटी नै ३३ किमि छ ।

इरानले शनिबार त्यहाँ शृंखलाबद्ध क्षेप्यास्त्र परीक्षण गरेको हो । इरानी अधिकारी र सञ्चारमाध्यमहरूले यसबारे तत्काल कुनै प्रतिक्रिया दिएका छैनन् ।
इरानी जहाजहरूले परीक्षण प्रहार गर्नु २३ मिनेटअघि मात्रै सामुद्रिक रेडियोमार्फत् त्यसबारे जानकारी प्रवाह गरेका थिए ।

‘ओहोरदोहोरोका अवस्थामा रहेका बहुपक्षीय सैन्य जहाज र व्यापारिक ट्राफिकको नजिक रहेर पनि यसरी हतियार प्रहार गरिनु असुरक्षित, अव्यावसायिक र अन्तर्राष्ट्रिय सामुद्रिक कानुनविपरीत हो,’ राइनेसले भने ।

प्रकाशित : पुस १६, २०७२ १०:११
पूरा पढ्नुहोस्
प्रतिक्रिया
पठाउनुहोस्
×