बेलिङ्घमको गोलमा इंग्ल्यान्ड विजयी

समूह ‘सी’ को खेलमा २० वर्षीय बेलिङ्घमले बुकायो साकाको क्रसमा गोल गरेका हुन् । यस जितसँगै इंग्ल्यान्डले समूहमा सुरुआती अग्रता पनि लिएको छ । त्यसअगाडि आइतबार भएको यसै समूहको खेलमा स्लोभेनिया र डेनमार्कले १–१ को बराबरी खेले ।

डेनमार्कले त्यस खेलमा क्रिस्टियन एरिक्सनको गोलले १७ औं मिनेटमा अग्रता लिएको थियो । स्लोभेनियाले दोस्रो हाफको ७७ औं मिनेटमा बराबरी गोल फर्काएको थियो । एरिक जान्जाले त्यो गोल गरेका हुन् ।

सन् २०२१ को युरोमा हृदयघातको किशार हुँदै एरिक्सन खेलकै क्रममा ढलेका थिए । तर उनले अविश्वसनीय पुनरागमन गरे र अहिले गोल गरेका हुन् । यो बराबरीपछि दुवै टिम समान एक-एक अंकमा रहे ।