आईपीएल २०२४ : दोस्रो जितसँगै चेन्नाइ शीर्षमा

जितले डिफेन्डिङ च्याम्पियन चेन्नाइको दुई खेलबाट चार अंक भएको छ । चेन्नाइले घरेलु मैदानमा भएको खेलमा शिभम दुवेको ५१ रनको मद्दतले छ विकेटमा २ सय ६ रन बनायो । त्यसमा दुवेले २३ बलको सामना गरेर दुई चौका र पाँच छक्का प्रहार गरे ।

जवाफमा नियमित अन्तरमा विकेट गुमाएको गुजरातले आठ विकेटमा १ सय ४३ रन मात्रै बनाउन सक्यो । साइ सुदर्शनको ३७ रन नै सर्वाधिक ठूलो व्यक्तिगत स्कोर रह्यो ।