महिला विश्वकप : फ्रान्स र जमैका अन्तिम १६ मा, ब्राजिल बाहिरियो
मेलबर्न — उपाधिको बलियो दाबेदार मानिएको ब्राजिल महिला विश्वकप-२०२३ को लिग चरणबाटै बाहिरिएको छ । समूह ‘एफ’ को बुधबार भएको खेलमा ब्राजिल जमैकाको हातबाट गोलरहित बराबरीमा रोकिएको हो । यस समूहबाट फ्रान्स र जमैका प्रतियोगिताको अन्तिम १६ मा पुगेका छन् ।
अर्को खेलमा फ्रान्सले पानामालाई ८ गोलको रोमाञ्चक खेलमा ६–३ ले हरायो ।
फ्रान्स तीन खेलबाट ७ अंकसहित समूह विजेता रह्यो । जमैका पाँच अंकमा दोस्रो स्थानमा रह्यो भने ब्राजिल ४ अंकमै सीमित रह्यो । ब्राजिललाई नकआउट चरण पुग्न निश्चित जित आवश्यक थियो । पानामा भने सबै तीनै खेलमा पराजित रह्यो ।
प्रतिक्रिया
