जबर्जस्ती करणी आरोपमा पाल्पामा दुई पक्राउ
पाल्पा — जबर्जस्ती करणी आरोपमा पाल्पामा बुधबार दुई जना पक्राउ परेका छन् । तानसेन नगरपालिकास्थित ६१ वर्षीया महिलालाई जबर्जस्ती करणी गरेको आरोपमा रुपन्देही कोटहिमई गाउँपालिका–२, घर भई तानसेन नगरपालिका–६, बस्ने १८ वर्षीय किसमोहन लोध र रुपन्देहीकै गैडहवा गाउँपालिका–६, घर भई तानसेन बस्ने ५६ वर्षीय महताम लोध पक्राउ परका हुन् ।
खानेपानी ट्यांकी निर्माणमा आएका दुई जनाले महिलालाई घर नजिकैको खोल्सामा जबर्जस्ती करणी गरेको जाहेरी निजको छोरीले दिएपछि पक्राउ गरिएको प्रहरी नायव उपरीक्षक तथा सूचना अधिकारी वीरेन्द्र थापाले जानकारी दिए । दुबै जनालाई प्रहरीले नियन्त्रणमा लिएर थप अनुसन्धान भइरहेको जनाएको छ ।
प्रकाशित : चैत्र १५, २०७९ १७:४९प्रतिक्रिया