२०.१२°C काठमाडौं
काठमाडौंमा वायुको गुणस्तर: २५४

स्ववियु निर्वाचन : बाँकेका ४ क्याम्पसमा मतदान जारी

रुपा गहतराज

नेपालगन्ज — बाँकेका चार वटा क्याम्पसहरुमा स्वतन्त्र विद्यार्थी युनियन (स्ववियु) को निर्वाचनमा मतदान जारी छ । पूर्व निर्धारित तालिकाअनुसार क्याम्पसहरुमा स्ववियुको नयाँ नेतृत्व चयनको लागि मतदान भइरहेको हो ।

स्ववियु निर्वाचन : बाँकेका ४ क्याम्पसमा मतदान जारी

कोहलपुरस्थित बागेश्वरी बहुमुखी क्याम्पस, नेपालगन्ज नर्सिङ्ग क्याम्पस, ज्ञानोदय बहुमुखी पब्लिक क्याम्पस र जन सिद्देश्वर बहुमुखी क्याम्पस हब्रहवामा निर्वाचन हुनेछ ।

स्ववियुको चुनाव हुने क्याम्पसहरुमा सुरक्षा व्यवस्था कडा पारिएको छ । बाँकेका चारवटै क्याम्पसहरुमा सुरक्षा व्यवस्था कडा पारिएको जिल्ला प्रहरी कार्यालय बाँकेले जनाएको छ । सबै क्याम्पसहरुमा आवश्यकताको आधारमा नेपाल प्रहरी र सशस्त्र प्रहरी परिचालन गरिएको छ । बाँकेका प्रहरी प्रवक्ता प्रहरी नायब उपरीक्षक (डिएसपी) रामप्रसाद घर्तीले निर्वाचनको लागि सुरक्षा व्यवस्था मिलाइएको बताए ।

मतदाता नामावलीमा नाम रहेका विद्यार्थीहरुले दिउँसो ४ बजेसम्म आफ्नो क्याम्पसमा पुगेर मतदान गर्न पाउनेछन् । निर्वाचन हुन गइरहेका क्याम्पसमा विद्यार्थी संगठनहरु कतै सहकार्य र कतै प्रतिस्पर्धा गर्नेगरी चुनावी मैदानमा उत्रिएका छन् । विभिन्न क्याम्पसमा विद्यार्थी संगठनहरु आफू अनुकूल हुनेगरी गठबन्धन गरेर समेत चुनावी मैदानमा उत्रिएका हुन् ।

जिल्लामा स्ववियु निर्वाचन हुन गइरहेका पाँच क्याम्पसमध्ये चारबाट त्रिभुवन विश्वविद्यालय र एक मध्यपश्चिम विश्वविद्यालय अन्तर्गतका क्याम्पस रहेका छन् । यस क्षेत्रमै सबैभन्दा बढी विद्यार्थी संख्या रहेको महेन्द्र बहुमुखी क्याम्पसमा भने चैत्र ८ गते स्ववियु निर्वाचन हुँदैछ ।

प्रकाशित : चैत्र ५, २०७९ १०:५४
प्रतिक्रिया
पठाउनुहोस्
जनताको राय

भारतका २ ब्रान्डका गुणस्तरहीन मसला आयतमा प्रतिबन्ध लागेको छ । अन्य खाद्य सामग्रीबारे पनि अब सरकारले मुख्य रुपमा के गर्नुपर्छ ?