मोटरसाइकल दुर्घटनामा दुई जनाको मृत्यु
दाङ — दाङको घोराहीमा मोटरसाइकल दुर्घटना हुँदा दुई जनाको मृत्यु भएको छ । घोराही उपमहानगरपालिका -१६ बेसाहीमा सोमबार रा ५ प ९५१४ नम्बरको मोटरसाइकल अनियन्त्रित भई पल्टिँदा दुई जनाको मृत्यु भएको हो ।
मोटरसाइकल चालक घोराही १६ लेटारका २१ वर्षीय सुशील चौधरी र मोटरसाइकलमा सवार सोही ठाउँका १८ वर्षीय विवेक चौधरीको दुर्घटनामा मृत्यु भएको हो ।
दुर्घटनामा घाइते भएका दुवै जनाको उपचारका क्रममा राप्ती स्वास्थ्य विज्ञान प्रतिष्ठान घोराहीमा मृत्यु भएको जिल्ला प्रहरी कार्यालय दाङका प्रवक्ता तथा डीएसपी राजन कुमार गौतमले जानकारी दिए ।
प्रकाशित : माघ २, २०७९ १५:२२प्रतिक्रिया
