मौरीले चिल्दा ८ जना विद्यार्थी घाइते

कावासोती नगरपालिका वडा नम्बर १६ डण्डामा रहेको जनता माविमा अध्ययनरत ८ जना विद्यार्थीलाई आज बिहान साढे दश बजेतिर समयमा मौरीले चिलेको हो । उनीहरू सबै २, ३ र ४ कक्षामा पढ्दै गरेका स-साना विद्यार्थी हुन् ।

घाइते सबैको जिल्ला अस्पतालमा उपचार भइरहेको प्रहरीले जनाएको छ । स्कुलनजिक रहेको घारबाट निस्केका मौरीले चिलेको प्रहरीको भनाइ छ । सबै घाइतेको अवस्था खतरामुक्त रहेको जिल्ला अस्पतालले जनाएको छ ।