लमजुङमा राष्ट्रिय परिचय पत्र वितरण
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
लमजुङ — जिल्ला प्रशासन कार्यालयले लमजुङमा राष्ट्रिय परिचय पत्र वितरण सुरु गरेको छ । विवरण संकलन थालेको ३ वर्षपछि लमजुङमा राष्ट्रिय परिचय पत्र हुन थालेको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![लमजुङमा राष्ट्रिय परिचय पत्र वितरण](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/nid-0182023013321-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
जिल्ला प्रशासन कार्यालयले २०७७ साल साउन १ गतेदेखि राष्ट्रिय परिचय पत्रका लागि विवरण संकलन सुरु गरेको थियो । पहिलो चरणमा विवरण संकलन गरिएको २ हजार ४ सय ८७ जनाको परिचय पत्र बनेर आएको र वितरण कार्य सुरु गरिएको प्रमुख जिल्ला अधिकारी रामकृष्ण अधिकारीले बताए ।
उनका अनुसार राष्ट्रिय परिचयपत्र तथा पञ्जिकरण विभागले प्रिन्ट गरेर पठाएको परिचय पत्र सिष्टममा ‘इन्ट्री’ गरेर वितरण थालिएको छ ।
परिचय पत्र आएकोबारे प्रशासनले पहिले विवरण भर्दा उल्लेखित मोबाइल नम्बरमा राष्ट्रिय परिचय पत्र आएकोबारे जानकारी पठाउने गरेको छ । त्यसपछि परिचय पत्र लिनका विवरण संकलन गर्दा प्रशासन कार्यालयले दिएको एक प्रति कागज लिएर स्वयं उपस्थित हुनुपर्ने उनले बताए । लमजुङमा राष्ट्रिय परिचय पत्रका लागि प्रशासन कार्यालयले १ लाखभन्दा बढीको विवरण संकलन गरिसकिएको छ । लमजुङमा २०७९ माघ ४ गतेदेखि २०८० बैशाख ३० सम्म जिल्लाको ७५ वटै वडामा पुगेर विवरण संकलन गरेको थियो ।
प्रशासन कार्यालय लमजुङबाट हालसम्म २२ हजार २ सय १४ पुरुष, १७ हजार ६ सय ९१ महिला गरी ३९ हजार ९ सय ५ जनाको विवरण संकलन भएको छ । अभियान अन्तर्गत ६० हजार ४ सय ४६ जनाको विवरण संकलन भएको छ । कूल १ लाख ३ सय ५१ जनाको विवरण संकलन गरिएको जिल्ला प्रशासन कार्यालयका प्रशासकीय अधिकृत जगदिश मिश्रले बताए ।
लमजुङमा पहिलो वर्ष २०७७ मा २ हजार ७ सय ४५ पुरुष र २ हजार १ सय ९२ महिला, २०७८ मा ४ हजार २ सय ३ पुरुष र २ हजार ४ सय १६ महिला, २०७९ मा १२ हजार ८ सय ८४ पुरुष र १० हजार १ सय ६९ महिला साथै २०८० मा २३ हजार ८ सय ८२ पुरुष र २ हजार ९ सय १४ महिलाको विवरण संकलन गरिएको थियो ।
प्रकाशित : श्रावण १६, २०८० १७:१८