रुख ढाल्दा उछिट्टिएको हाँगाले लागेर सिन्धुलीमा एक जनाको मृत्यु

कमलामाई नगरपालिका–१ को तीनतले पाखास्थित घागर ठाकुर सामुदायिक वन समूहको जंगलमा चिलाउनेको रुख ढाल्दा उछिट्टिएको हाँगाले लागेर वडा नम्बर–५ सिलामेका ३२ वर्षीय लोकनारायण श्रेष्ठको मृत्यु भएको प्रहरीले जनाएको छ ।

सामुदायिक वनको ठेक्का लागेको रुख ढाल्दा हाँगाले टाउकोमा लागेर श्रेष्ठको घटनास्थलमा नै मृत्यु भएको सिन्धुली प्रहरीका डीएसपी चिरञ्जीवी दाहालले जानकारी दिए ।