कान्तिपुर वेबसाईट
AdvertisementAdvertisement
२९.१२°C काठमाडौं
काठमाडौंमा वायुको गुणस्तर: १९०

नमोबुद्धको वार्षिक प्रगति : निःशुल्क स्वास्थ्य सेवादेखि घरदैलोमै सामाजिक सुरक्षा भत्ता

ज्योती श्रेष्ठ

काभ्रे — स्थानीय तहको निर्वाचन २०७९ बाट निर्वाचित भएका काभ्रेको नमोबुद्ध नगरपालिकाका जनप्रतिनिधिले एक वर्षको कार्य सम्पादन गरिसकेका छन् ।

नमोबुद्धको वार्षिक प्रगति : निःशुल्क स्वास्थ्य सेवादेखि घरदैलोमै सामाजिक सुरक्षा भत्ता

एक वर्षको अवधिमा गरिएको कामको सम्पादनका बारेमा नगरपालिकाले बिहीबार वार्षिक समीक्षा कार्यक्रम सञ्चालन गरेको छ । कार्यक्रममा एक वर्षमा नमोबुद्ध नगरपालिकाका प्रमुख कुन्साङ लामाले एक वर्षको कार्य समीक्षाबारे प्रस्तुती दिएका थिए ।

एक वर्षको कार्य सम्पादनमा नगरपालिकाले निःशुल्क स्वास्थ्य परीक्षणदेखि घरदैलोमै सामाजिक सुरक्षाका कार्यक्रमहरू सञ्चालन गरेको नगरपालिकाका प्रमुख कुन्साङ लामाले बताए । उनका अनुसार नमोबुद्ध नगरपालिकामा १८ वर्षभन्दा माथिका नागरिकको निःशुल्क स्वास्थ्य परीक्षणको सुरुआत गरिएको छ । नसर्ने रोगको प्रकोप देखिएको भन्दै नगरपालिकाले रक्तचाप, मधुमेह (सुगर), अल्कालीन, प्रोटिन परीक्षण निःशुल्क र एक वर्षसम्म निःशुल्क औषधिको व्यवस्था मिलाइएको हो ।

परीक्षण गर्दा स्वास्थ्य समस्या देखिएकालाई नमोबुद्ध–४ स्थित मेथिनकोट अस्पतालबाट थप परीक्षण गरी एक वर्षसम्म औषधिसमेत निःशुल्क उपलब्ध गराइने प्रमुख लामाले जानकारी दिए । नगरपालिकाका ११ वटै वडाका विभिन्न १०७ स्थानबाट स्वास्थ्य परीक्षण गर्ने व्यवस्था मिलाइएको नगरपालिकाले जनाएको छ ।

त्यस्तै, नमोबुद्ध नगरपालिकाले घरदैलोमा नै सामाजिक सुरक्षा वितरण थालिएको वार्षिक समीक्षा कार्यक्रममा जानकारी गराइएको थियो । नरले पूर्ण अशक्त वर्ग, बैंकिङ सेवासम्म पुग्न नसक्ने लाभग्राहीहरूलाई चौमासिक रुपमा भत्ता वितरण गर्न वित्तीय संस्थाहरूसँग समन्वय र सहकार्य गरी घरदैलोमा नै घुम्ती बैंकिङ सेवा उपलब्ध गराउँदै आएको नगरपालिकाका प्रमुख लामाले बताए ।

निःशुल्क स्वास्थ्य परीक्षण, घरदैलोमै सामाजिक सुरक्षा भत्ता वितरण कार्यक्रमसँगै नगरपालिकाले बालमैत्री स्थानीय शासन सुरुआत गरिएको कार्यक्रममा जानकारी गराइएको थियो । नगरपालिकाको टोली बालमैत्री स्थानीय शासन अध्ययन गर्न नेपालको पहिलो बालमैत्री नगर सुनवल पुगेर बालमैत्री नगर घोषणाको तयारी, यसको दिगोपनालगायत विविध पक्षबारे जानकारी लिएको नगरपालिकाका प्रमुख कुन्साङ लामाले बताए । उनका अनुसार सबै विद्यालयमा बालमैत्री सम्पर्क शिक्षक तोकिएको र ११ वटा वडामा बालमैत्री वडा समिति र बाल अधिकार वडा समिति पुनर्गठन भइसकेका छन् ।

प्रकाशित : जेष्ठ ११, २०८० १८:३९
प्रतिक्रिया
पठाउनुहोस्
जनताको राय

माथिल्लो अरुण जलविद्युत् आयोजना निर्माणका लागि विश्व बैंकसँग सैद्धान्तिक सहमति जुटेपनि अहिले भारतले नै निर्माणका लागि चासो देखाएको छ । यसबारे तपाईंको के राय छ ?