सर्लाहीमा भन्सार छली ल्याइएका कपडा बरामद

राति राति भन्सार छली कपडा ल्याइएको सूचना पाएको प्रहरीले सीमामा रहेको एक घरमा खानतलासी गर्दा उक्त कपडा फेला पारेको हो । बरामद गरिएका कपडामा कुर्था, सुरुवाल, सारी, धोती तथा बच्चाको कपडा रहेको प्रहरी उपरीक्षक नरेशराज सुवेदीले जानकारी दिए । उनले भारतबाट भन्सार छली ल्याइएका कपडा जिल्ला भन्सार कार्यालयमा पठाउने तयारी भइरहेको बताए ।

नेपाल भारत सीमामा पछिल्लो समय कडाइ गरिएपछि तस्करहरुले प्रहरीको आँखा छल्न राति राति कारोबार गर्न थालेको छ । बिहीबार मात्र बलराबाट भारत कट्नै लागेको २० किलो गाँजा प्रहरीले नियन्त्रणमा लिएको छ ।