चैनपुरमा बसले किचेर सहचालकको मृत्यु
संखुवासभा — चैनपुर नगरपालिका–६ जिरो प्वाइन्टस्थित चैनपुर नुनढाकी सडकखण्डमा बसको चक्काले किचेर सहचालकको मृत्यु भएको छ । धनकुटा नगरपालिका–६ पात्लेखोला का ३० वर्षीय मनोज खड्काको बसले किचेर मंगलबार मृत्यु भएको हो ।
मंगलबार बिहान साढे ७ बजे नुनढाकीबाट इटहरी जाँदै गरेको को १ ख ३०७७ नम्बरको बसको ढोकाबाट झर्दा बसको पछाडिको चक्काले किचेर सहचालक खड्का गम्भीर घाइते भएका थिए । उनलाई उपचारका लागि अस्पताल लैजाने क्रममा बाटैमा मृत्यु भएको डीएसपी घनश्याम श्रेष्ठले बताए ।
बस धनीसमेत रहेका धनकुटाको साँगुरीगढी गाउँपालिका–१ का ३३ वर्षीय चालक कुमार उपाध्यायलाई इलाका प्रहरी कार्यालय चैनपुरले नियन्त्रणमा लिएको प्रहरीले जनायो । उनलाई प्रहरीले थप अनुसन्धान गरिरहेको छ ।
प्रतिक्रिया