लुम्बिनीबाट विश्व शान्तिको सन्देश [तस्बिरहरू]

बिहान साढे ८ बजे लुम्बिनी आउने कार्यक्रम भए पनि साढे दुई घण्टा ढिलो गरी उनी ११ बजे आएका थिए । उनी यहाँबाट एक घण्टामा कार्यक्रम सकेर १२ बजेर १० मिनेटमा काठमाडौं फर्केका थिए । उनले बेबी बुद्धमा पुष्पगुच्छा र पवित्र लुम्बिनी बगैंचामा वृक्षारोपण गरेका थिए । उनले मायादेवी मन्दिरमा पूजाआजा गरी बोधी वृक्षमा पुगेर शान्ति बत्ती बालेका थिए । त्यहीँ उनलाई पर्यटन तथा नागरिक उड्डयनमन्त्री सुदन किरातीले बुद्ध मूर्ति उपहार दिएका थिए ।

लुम्बिनीमा महासचिवलाई स्वागत गर्न प्रधानमन्त्री पुष्पकमल दाहाल आएका थिए । महासचिव गुटेरेसलाई लुम्बिनी विकास गुरुयोजना, उत्खनन्, अन्वेषण, अनुसन्धान र ऐतिहासिक तथा पुरातात्विक महत्वबारे वरिष्ठ पुरातत्वविद् वसन्त बिडारीले जानकारी दिएका थिए ।