समाजवादी मोर्चाको नेतृत्व आलोपालो

मोर्चाले सार्वजनिक गरेको सहमतिपत्रमा मोर्चाको नेतृत्व शीर्ष नेताहरूले आलोपालो गर्ने निर्णयप्रक्रिया सहमति र सहकार्यको मान्यताअनुरूप हुने उल्लेख छ । सहमतिपत्रमा भनिएको छ, 'मोर्चाको नेतृत्व शट्ठर्ष नेताहरूले आलोपालो गर्ने छन् । यस मोर्चाको निर्णय प्रक्रिया सहमति र सहकार्यको मान्यताअनुरूप हुने छ । यस मोर्चाका सदस्यहरूले साझा नीति, कार्यक्रम र उद्देश्यको आधारमा काम कारबाही गर्ने छन्।'

त्यस्तै मोर्चाले तय गरेको नीति, योजना र कार्यक्रमहरूको कार्यान्वयन र अनुगमनका साथै दैनिक कार्य सञ्चालन गर्न एउटा सचिवालय बनाइने पनि दलहरूले जनाएका छन् । सचिवालयमा प्रत्येक दलहरूले प्रतिनिधि पठाइने पनि सहमतिपत्रमा उल्लेख छ । त्यस्तै यस मोर्चामा अन्य समाजवादी तथा प्रगतिशील दलहरूलाई पनि समावेश गरिँदै लैजाने सहमतिपत्रमा उल्लेख छ ।

प्रतिनिधिसभामा समाजवादी मोर्चाका ५४ सांसद छन्, जसमा माओवादीका ३२, जसपाका १२ र एकीकृत समाजवादीका १० जना छन् । मोर्चामा समान विचार भएका अन्य दल थपिने बाटो खुला राखिएकाले संख्या बढ्न सक्ने नेताहरूले बताएका छन् ।