सरकारमा पठाउने मन्त्रीबारे छलफलमा दाहाल
काठमाडौँ — पार्टीबाट सरकारमा पठाउने मन्त्रीहरूको नामका बारेमा छलफल गर्न माओवादी अध्यक्ष तथा प्रधानमन्त्री पुष्पकमल दाहालले छलफल गरिरहेका छन् । छलफल प्रधानमन्त्री निवास बालुवाटारमा भइरहेको छ ।
दाहालको सचिवालयका अनुसार छलफलमा अध्यक्ष दाहालले पार्टीका वरिष्ठ उपाध्यक्ष, उपाध्यक्षहरू, महासचिव र उपमहासचिवलाई बोलाएका थिए ।
माओवादी दोस्रो तहका नेताहरू मन्त्री परिषद्मा भएको बाँडफाँडमा असन्तुष्ट रहेको बताइएको छ । त्यो असन्तुष्टि दाहालसामू नेताहरूले राखेका छन् । कम मन्त्रालय पाएको र प्रभावशाली मन्त्रालय नपाएको ती उनीहरुको गुनासो छ । माओवादीले प्रधानमन्त्री बाहेक ४ मन्त्रालय पाउने सत्तारूढ गठबन्धन दलहरूको बैठकमा सहमति बनेको थियो ।
मन्त्रीहरूले मंगलबार १ बजे शपथ लिने तयारी छ ।
प्रकाशित : माघ ३, २०७९ ०८:५८प्रतिक्रिया