अब आर्थिक समृद्धिको बेला : दाहाल

कान्तिपुर संवाददाता

भैरहवा — माओवादी केन्द्रका अध्यक्ष पुष्पकमल दाहालले तीनै तहको निर्वाचनपछि अब मुलुकलाई आर्थिक समृद्धितिर लैजाने बेला भएको धारणा राखेका छन् । 

जेसीआई सिद्धार्थ नेपालको आतिथ्यमा आजदेखि भैरहवामा सुरु भएको नेपाल जेसीजको ४४ औं राष्ट्रिय महाधिवेशनको उद्घाटन समारोहमा बोल्दै दाहालले निर्वाचनपछि नेपाल समृद्धितर्फ जान्छ वा पुरानै परिपाटीमा अल्झिन्छ भन्ने अन्तर्राष्ट्रिय चासो रहेको बताए ।
राजनीतिक स्थायित्व कायम रहे मुलुकले दश वर्षमा कायापलट गर्नसक्ने उनको दाबी छ । उनले सपनाको रुपमा रहेको ल्हासादेखि लुम्बिनीसम्मको रेलमार्गको योजना विपनामा परिणत हुने बताए ।

प्रकाशित : पुस ८, २०७४ १५:११
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

म्यादी प्रहरी मृत्यु घटनाको छानबिन हुनुपर्छ : बिनाविभागीयमन्त्री शाही

काठमाडौँ — बिनाविभागीयमन्त्री महेन्द्रबहादुर शाहीले यही पुस ७ गतेका दिन कालिकोटको सदरमुकाममा म्यादी प्रहरी विवेक ऐडीको दुःखद् मृत्यु र आधा दर्जन जति घाइते भएको घटनाप्रति आफ्नो गम्भीर ध्यानाकर्षण भएको बताएका छन् ।

उनले आज एक प्रेस विज्ञप्ति प्रकाशित गरी यस्तो दुःखद् घटना हुनुका कारण पत्ता लगाइ दोषीमाथि कारबाही गर्न माग पनि गरे।

'सान्नी त्रिवेणी, चार तिकुवाका हरि ऐडीका २१ वर्षीय छोरा मृतक विवेक ऐडीको घर परिवारलाई उचित राहत तथा क्षतिपूर्ति र घाइतेलाई यथाशीघ्र उपचारको व्यवस्था गरिदिन सरकारसँग माग गर्दछु', विज्ञप्तिमा उनले भनेका छन्।

यस दुःखद् घडीमा सबै पक्ष संयमित भई जिल्लाको शान्ति सुरक्षालाई थप उत्तेजित पार्ने स्थिति नहोस् भनी सम्बन्धित पक्षलाई सचेत रहनसमेत विज्ञप्तिमार्फत् उनले सबैमा आग्रह गरे।

प्रकाशित : पुस ८, २०७४ १४:३७
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT