मलेसियाबाट काठमाडौं उडेको जहाज ढाकामा 

कान्तिपुर संवाददाता

मलेसिया — मलेसियाको क्वालालम्पुर विमानस्थलबाट काठमाडौंका लागि उडेको मालिण्डो एअरको जहाज मौसम खरावी एवं प्राविधिक समस्याका कारण बंगलादेशको ढाकामा अवतरण गरेको छ ।



स्थानीय समयअनुसार शुक्रबार साँझ ६.१० बजे काठमाडौंका लागि उडेको ओडी १८२ उक्त जहाज काठमाडौं पुगेर अवतरण गर्न नसक्दा भारतको लखनउ हुँदै ढाकामा अवतरण गरेको बताइएको छ । जहाजमा १९६ जना सवार रहेको सोही जहाजका एकजना यात्रुले कान्तिपुरलाई बताए ।

नेपाली समयअनुसार ८:३५ मा अवतरण हुनुपर्ने जहाज खराब मौसम एवं जहाजको प्राविधिक गडबडीको कारण त्यहाँबाट लखनउ उडाइएको थियो । 'अवतरण गर्न केहीबेर प्रयास भएपनि जहाज एकाएक लखनउस्थित बिमानस्थलमा लगेर अवतरण गरिएको थियो । त्यसको केहीबेरपछि पुनः ढाकामा अवतरण गरिएको छ,' उक्त विमानका एकजना यात्रुले भने, 'अब उडान कतिबेला हुन्छ भन्ने कुनै जानकारी छैन ।'

प्रकाशित : पुस ८, २०७४ ०९:२१
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

बनिन् हाँसोको पात्र

कान्तिपुर संवाददाता

काठमाडौँ — सेलेब्रिटीलाई गाह्रै छ । सामाजिक सञ्जालबाट टाढा बस्दा फयानसँग कनेक्ट हुनै अप्ठयारो, सामाजिक सञ्जालमा अप टु डेट रहे विभिन्न झमेला आइपर्ने † थोरै चिप्लियो कि उनीहरू ठट्टाको पात्र पनि बनिहाल्छन् ।

कुरा, बलिउड अभिनेत्री श्रद्धा कपुरको हो । उनीमाथि अहिले अनेकन ट्रोल बनाइएका छन् ।
श्रद्धाले आफ्नो भेरिफाइड ट्वीटर हयान्डलबाट सेयर गरेको एउटा तस्बिर र त्यसको क्याप्सनलाई लिएर इन्टरनेटमा ठटयौली चलिरहेको छ । उनले ‘भारतीय सेनालाई धन्यवाद’ भन्दै सेयर गरेको तस्बिर वास्तवमा रूसी सेनाको परेपछि उनको खिल्ली उडाउन थालिएको हो । हिउँले ढाकिएका सुरक्षाकर्मीको तस्बिरमुनि श्रद्धाले लेखेकी छन्, ‘भारतीय जवान बरफमा जम्छन्, हामी आनन्दले रहन सकौं भनेर । हामीले सुरक्षित महसुस गरौं भनेर उनीहरू हाम्रो रक्षामा खटिन्छन् । उनीहरूलाई जति धन्यवाद दिए पनि कमै हुन्छ ।’
निकै भावुक पाराले लेखिएका शब्दहरूलाई सुरुमा सराहना नै गरिएको थियो । तर, त्योसँगै सेयर गरिएको फोटो फेक निक्लिएपछि उनलाई उडाउनु उडाइएको छ । ‘हरे, यो तस्बिर भारतीय सेनाको होइन,’ रिडा नामक प्रयोगकर्ताले रिट्वीट गरेकी छन्, ‘नक्कली सम्मानका लागि नक्कली
तस्बिर प्रयोग नगरौं । झूटफैलाउन बन्द गरौं ।’
शुभेन्दु सिक्दरले पनि उनलाई सेलेब्रिटी भइसकेपछि कच्चा काम गर्न नहुने सल्लाह दिएका छन् । ‘एकचोटि भेरिफाइ गरेर हेरेको भए हुन्थ्यो,’ उनले लेखेका छन्, ‘यो तस्बिर भारतीय सेनाको होइन भन्ने कुरा एक वर्षअघि नै प्रमाणित भइसकेको थियो ।’

प्रकाशित : पुस ८, २०७४ ०९:१८
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT