ललितपुरमा मोटरसाइकलको ठक्करबाट साइकल यात्रीको मृत्यु

प्रहरीका अनुसार शनिबार राति सातदोबाटोबाट कोटेश्वरतर्फ आउँदै गरेको वाग्मती प्रदेश ०२–००१ ब २२४७ नम्बरको मोटरसाइकलले ठक्कर दिँदा साइकल यात्री काभ्रेपलान्चोक बेथानचोक गाउँपालिका–२ घर भइ ललितपुर महानगर–१७ भेल्पा बस्ने ३४ वर्षीय बुद्धराज तिमिल्सिनाको मृत्यु भएको हो ।

मोटरसाइकलको ठक्करबाट सख्त घाइते तिमिल्सिनाको उपचारको क्रममा बीएण्डबी अस्पताल ग्वार्कोमा मृत्यु भएको ललितपुर प्रहरीले जनाएको छ । दुर्घटनमा मोटरसाइकल चालक धादिङ धुनिबेंसीका तुल्सीराम गिरी घाइते भएका छन् । घाइतेको पनि बीएण्डबी अस्पतालमा उपचार भइरहेको र घटनाको सम्बन्धमा थप अनुसन्धान भइरहेको प्रहरीले जनाएको छ ।