कविता संग्रह लिएर आउँदै जीवन लुईटेल
काठमाडौं — नेपाली फिल्मका चर्चित अभिनेता जीवन लुईंटेल कविता संग्रह लिएर आउँदैछन् । ‘नायक’ शीर्षकको उनको कविता संग्रह असोज ११ गते राजधानीमा राजेश हमाल, करिश्मा मानन्धर लगायतले सार्वजनिक गर्दैछन् ।
‘म पहिलेदेखि नै कविता लेख्थें, बीचमा फिल्ममा व्यस्त भएपछि कविता लेख्ने र यिनको संरक्षण गर्ने तारतम्य मिलेन । यसैले आफूले लेखेका पनि हराउने स्थिति आयो,’ उनले कविता संग्रह प्रकाशनबारे भने । पैरवी बुक्सले बजारमा ल्याउन लागेको संग्रहमा उनले विभिन्न समयमा लेखेका कविता छन् ।
प्रकाशित : आश्विन ८, २०७२ १४:४०
प्रतिक्रिया