युथ प्रेसिडेन्ट सिंगापुरको टोली नेपालमा

भ्रमणका अवसरमा प्रतिनिधि मण्डलले नेपालमा रहेका संस्कृति, पर्यटनको संभावना, पूर्वाधार तथा वैदेशिक लगानीको बारेमा जानकारी लिनेछ । भ्रमणका अवसरमा उक्त प्रतिनिधि मण्डलले शुक्रबार उद्योगपति तथा सांसद बिनोद चौधरीसँग भेटघाट गरेको छ । सो भेटवार्तामा सम्बोधन गर्दै सांसद चौधरीले नेपाल प्राकृतिक रुपमा अत्यन्त धनी रहेपनि यसको व्यवस्थापन नहुँदा समस्या रहेको बताए । नेपालको संसदमा हाल युवाहरूको उपस्थिति बढेको र यसले आशाको संकेत गरेको भन्दै अब नेपालमा लगानीको वातावरण तयार भएको बताए । नेपाल प्राकृतिक तथा मेडिकल हब रहेको भन्दै उनले हाल संसदमा उपस्थित रहेका युवाहरूको संख्याले पनि नेपालको अबको भविष्य उज्वल रहेको बताए ।