मेची तरेर नेपाल आउन खोज्दा बंगलादेशीसहित दुई जना पक्राउ

मेचीनगरका ३२ वर्षीय अनुप तामाङको सहयोगमा मेची तर्न लागेका बंगलादेशी नागरिक ३४ वर्षीय आलमगीर हुसेनलाई एसएसबीको ४१ बटालियन टोलीले मेची किनारबाटै पक्राउ गरेको हो ।

भारतले बंगलादेशसहित तेस्रो देशका पर्यटकलाई आउजाउ गर्न इजाजत नदिएपछि बंगलादेशी नागरिक अवैध बाटोबाट नेपाल छिर्न थालेका हुन् । यसअघि पनि अवैध रूपमा नेपाल छिर्न लागेका एक बंगलादेशीलाई एसएसबीले पानीटंकी नाकाबाट पक्राउ गरेको थियो ।

दुवै जनालाई एसएसबीले खोरीबारी प्रहरी चौकी बुझाएको र बुधबार सिलिगुडीस्थित जिल्ला अदालतमा म्याद थप गरी अनुसन्धानका लागि हिरासतमा राखिएको प्रहरीले जनाएको छ ।