बंगलादेशविरुद्ध टस जितेर पहिले बलिङ गर्दै नेपाल

दक्षिण अफ्रिकासँग १ रनले पराजित हुँदै समूह चरणबाट बाहिरिइसकेको नेपालले अन्तिम खेलमा बंगलादेशविरुद्ध जित रच्न चाहेको छ । बंगलादेश भने आजको खेल जित्दै सुपर-८ मा प्रवेश गर्न चाहन्छ ।

तस्बिरहरू : हेमन्त श्रेष्ठ/कान्तिपुर

सुपर-८ मा प्रवेश गर्ने ७ टिमको टुंगो लागिसके पनि समूह 'डी' बाट १ टिम उक्त चरणमा जान बाँकी छ । बंगलादेशले नेपालविरुद्ध जित हात पारे स्वत: ऊ सुपर-८ मा प्रवेश गर्नेछ । तर नेपालसँग पराजित भई नेदरल्यान्ड्सले श्रीलंकालाई पराजित गरेमा भने रनरेटमा अगाडि ऊ सुपर-८ मा प्रवेश गर्ने सम्भावना पनि छ ।

नेपाल सन् २०१४ को ट्वान्टी-२० विश्वकपमा बंगलादेशसँग समूह चरणमा ८ विकेटले पराजित भएको थियो ।