विम्बल्डन २०२३ : फाइनलमा भोन्ड्रोसोभाको प्रतिद्वन्द्वी जबेर

तीन सेट चलेको कडा प्रतिस्पर्धात्मक खेलमा जबेर ६–७ (५/७), ६–४ र ६–३ ले विजयी रहिन् । उनी लगातार दोस्रो वर्ष विम्बल्डनको फाइनल पुगेकी हुन् । हारको संघारमा रहेर उनले यो उपलब्धि चुमेकी हुन् ।

फाइनल शनिबार हुनेछ र त्यस खेलले विम्बल्डनको नयाँ विजेता र पहिलो ग्रान्ड स्लाम विजेता पनि दुवै दिनेछ । यसअघि भोन्ड्रोसोभाले एलिना स्भिटोलिनालाई ६–३ र ६–३ ले पराजित गरेकी थिइन् ।