कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १९३

मुकेश र राजपुरा १० किमि रोड रेस च्याम्पियन

काठमाडौँ — आर्मीका धावक मुकेश पाल र पुलिसकी धाविका राजपुरा पछाईले चौथो वीर गणेशमान सिंह १० किमि रोड रेसको उपाधि जितेका छन् । शनिबार काठमाडौंको दरबारमार्गमा आयोजित प्रतियोगितामा राजपुराले कोर्स रेकर्डसहित ३६ मिनेट ४३.२ सेकेन्डमा दौड पूरा गरिन् । उनले आफ्नै नामको ३७ मिनेट १०.५ सेकेन्डको कीर्तिमान तोडेकी हुन् ।

मुकेश र राजपुरा १० किमि रोड रेस च्याम्पियन

मुकेशले निर्धारित दूरी ३१ मिनेट २१.७६ सेकेन्डमा पूरा गर्दै उपाधि जिते । डिफेन्डिङ च्याम्पियन एपीएफका गोपीचन्द्र पार्की दोस्रो भए । उनले ३१ मिनेट ३८.६८ सेकेन्ड लगाए । आर्मीका दीपक अधिकारी ३१ मिनेट ४७.४२ सेकेन्डबाट तेस्रो भए । दीपक दुई साताअघि एसियन क्रसकन्ट्रीमा स्वर्ण जितेका थिए ।

महिलामा पुलिसकै राममाया बुढाले ३७ मिनेट ५४.१५ सेकेन्डबाट दोस्रो र एपीएफकी पुष्पा भण्डारीले ३८ मिनेट २६.०३ सेकेन्डबाट तेस्रो स्थान हासिल गरे । दुवैका विजेताले समान ६० हजार, उपविजेताले ३० हजार र तेस्रोले १५ हजार रुपैयाँ पुरस्कार पाए । कोर्स रेकर्ड बनाएकी राजपुराले थप १० हजार प्रदान गरिएको आयोजक वीर गणेशमान सिंह स्पोर्ट्स कमिटीले जनाएको छ ।

प्रकाशित : चैत्र ११, २०७९ २२:२३
प्रतिक्रिया
पठाउनुहोस्
जनताको राय

पूर्वउपराष्ट्रपतिका छोरा तथा अखिल क्रान्तिकारीका महासचिव दिपेश पुनपछि सत्तारूढ माओवादीका उपाध्यक्ष तथा पूर्वसभामुख कृष्णबहादुर महरा सुन तस्करी अनुसन्धानमा पक्राउ परेका छन् । के सरकारले भ्रष्टाचारविरुद्ध शून्य सहनशीलता अपनाएकै हो त ?