पठनपाठन नभएको भन्दै विद्यार्थीद्वारा विद्यालय तालाबन्दी

सम्बन्धित निकायले शिक्षकको व्यवस्था नगर्दासम्म विद्यालयमा पठनपाठन हुन नदिने विद्यार्थीले बताएका छन् । पढ्न पाउनुपर्ने अधिकारबाट वञ्चित भएकै कारण तत्काल शिक्षकको माग राख्दै दबाबस्वरुप विद्यालय तालाबन्दी गरिएको विद्यालयका विद्यार्थीले बताएका छन् ।

कक्षा १ देखि ५ सम्म अंग्रेजी र कक्षा ६ र ७ का गणित विषयको शिक्षक नहुँदा पठनपाठनबाट वञ्चित भएको र मावि तहको गणित पढाउने शिक्षकसमेत सरुवा भएकाले आउँदा दिनमा पढ्न नपाउने देखिएपछि विद्यालय तालाबन्दी गरिएको विद्यार्थीले जनाएका छन् ।