सल्यानमा हत्या आरोपी चार जना पक्राउ

मृतकका बाबु मेरमान कामीले दिएको किटानी जाहेरीका आधारमा प्रहरीले त्रिवेणी गाउँपालिका ६ लुहाम बस्ने ४० वर्षीय अमरबहादुर घर्ती, ३० वर्षीय टीकाराम केसी, ३४ वर्षीय बुद्धिराम सिरिस र कालिकोट जिल्लाको तिलागुफा नगरपालिका ७ घर भई हाल त्रिवेणी गाउँपालिका ६ लुहाम बजार बस्दै आएका ३० वर्षीय सुरेश जैसीलाई पक्राउ गरेको जिल्ला प्रहरी कार्यालय सल्यानका सूचना अधिकारी सन्तोष खनालले बताए ।

आरोपित चौर जनालाई बजार आसपासबाटै पक्राउ गरिएको प्रहरीले जनाएको छ । खनालका अनुसार पक्राउमा परेका चार जनालाई अहिले जिल्ला प्रहरी कार्यालयको हिरासत कक्षमा राखेर कर्तव्य ज्यान मुद्दामा जिल्ला अदालत सल्यानबाट म्याद थप गराइ अनुसन्धान भइरहेको छ ।

लुहाम बजारमा ग्रिल उद्योग संचालन गरेर बस्दै आएका विक दुई दिनअघि त्रिवेणी गाउँपालिका ६ लुहाम बजार नजिकै खोलाको किनारमा मृत अवस्थामा भेटिएका थिए । विकको मृत्यु शंकास्पद देखिएको भन्दै उनका बाबु मेरमान कामीले प्रहरीमा किटानी जोहरी दिएका थिए ।