१६.१२°C काठमाडौं
५० लाख रुपैयाँ बढीको अवैध सामान बरामद
तिलोत्तमा — सशस्त्र प्रहरीले रुपन्देहीको भैरहवाबाट ५० लाख मूल्यभन्दा बढीको अवैध सामान बरामद गरेको छ । सशस्त्र प्रहरी बल सीमा अनुगमन टोलीले आइतबार राति उक्त अवैध सामान बरामद गरेको हो ।
सशस्त्र प्रहरी बल नेपाल इन्टेलिजेन्स ब्यूरोको विशेष सूचनाको आधारमा सिद्धार्थनगर नगरपालिका-४ स्थित दोगहरा क्षेत्रमा भारतबाट नेपालतर्फ ल्याएर बाँसको छाप्रोमा भण्डारण गरी राखिएको सामान बरामद गरिएको सशस्त्र प्रहरी नायव उपरीक्षक मोहन न्यौपानेले बताए । ग १ ख ९२२६ नम्बरको गाडीमा लोड गरिरहेको अवस्थामा ५ लाख २० हजार रुपैयाँ मूल्य बराबरको १० हजार ४ सय केजी प्याज बरामद गरिएको डीएसपी न्यौपानेले बताए ।
त्यस्तै ४५ लाख रुपैयाँ मूल्य बराबरको गाडी र १० हजार रुपैयाँ बराबरको बोरा सिलाउने मेसिन गरी ५० लाख ३० हजार रुपैयाँ बराबरको सामान बरामद गरी आवश्यक कारवाहीका लागि भैरहवा भन्सार कार्यालय बेलहिया पठाइएको प्रहरीले जनाएको छ ।
प्रकाशित : वैशाख १०, २०८१ १३:४०
