नुवाकोट दुप्चेश्वरमा गाडी दुर्घटना : मृतकको संख्या ३ पुग्यो, १० जना घाइते

दुप्चेश्वर गाउँपालिका-४ कोल्फुबाट काठमाडौंका लागि छुटेको ना १ ज ३९८४ नम्बरको गाडी अनियन्त्रित भई कोल्फु सडक छेउ भीरबाट खस्दा ३ सय मिटर खसेको हो । घटनास्थलमै दुई जनाको ज्यान गएको हो भने एक जनाको उपचारको क्रममा काठमाडौंस्थित राष्ट्रिय ट्रमा सेन्टरमा मृत्यु भएको जिल्ला प्रहरी कार्यालय नुवाकोटका सूचना अधिकारी एवं डिएसपी खगेन्द्रबहादुर खड्काले बताए ।

मृत्यु हुनेमा दुप्चेश्वर गाउँपालिका वडा नम्बर ४ का २५ वर्षीय छिरिङ तामाङ र १६ वर्षीया मनमाया तामाङ र वडा ७ की ४५ वर्षीया सानुकान्छी तामाङ रहेको डिएसपी खड्काले बताए । सानुकान्छीको मृत्यु ट्रमा सेन्टरमा उपचारको क्रममा भएको हो । सुमोमा १३ जना सवार थिए । चालकसमेत घाइते भएका छन् ।