डढेलो बस्तीमा सल्किँदा दुई घर नष्ट

दिउँसोदेखि लागेको डढेलो साँझसम्म नियन्त्रण बाहिर रहेकोले धनकुटाबाट दमकलसमेत पठाइएको प्रहरीको भनाइ छ । प्रहरी, स्थानीयवासी सहितको प्रयासले बस्तीका अन्य घरमा भने डढेलो सल्कनबाट जोगिएको प्रहरी निरीक्षक मानप्रसाद श्रेष्ठले जानकारी दिए ।

वनक्षेत्र महालक्ष्मी नगरपालिकाको मुकाम जीतपुर बजारबाट नजिक दुरीमा रहेको छ । आगो पूर्णरुपमा नियन्त्रणमा नआइसकेको स्थानीयले बताएका छन् । चैत महिनाभित्र महालक्ष्मी नगरपालिकाका वनको डढेलोबाट आठ वटा घर जलिसकेका छन् । सोमबार पनि डढेलो बस्तीमा सल्कँदा महालक्ष्मी नगरपालिका-२ मा चार घर जलेका थिए । सान्नेटारस्थित धर्मदेवी सालबोट सामुदायिक वनबाट सल्किएको डढेलो बस्तीमा सल्किँदा स्थानीय राजकुमार कट्टेल, चेतबहादुर राय, कमल बस्नेत र सुमन बस्नेतको घर पूर्ण क्षति पुगेको थियो । चैत १ गते महालक्ष्मी नगरपालिका-४ स्थित नाम्फुका स्थानीय ज्ञानबहादुर खड्का र खेलबहादुर खड्काको घर जलेर नष्ट थियो ।