ओखलढुंगामा रोपाइँ जात्राको रौनक [तस्बिरहरु]

जनहित र पारस्परिक दुईवटा गुठीको संयुक्त आयोजनामा रोपाइँ जात्रा प्रस्तुत गरिएको थियो । ओखलढुंगाका नेवारहरुले हिलेजात्राअन्तर्गत लाखे, गाईजात्रा, रामायण र रोपाइँ जात्रा निकाल्ने गर्छन् । पुरानो परम्परालाई जीवित राख्नका लागि यसलाई निरन्तरता दिँदै आएको स्थानीयको भनाइ छ ।पहिले पहिले मनोरञ्जनको कुनै साधन नहुँदा गाउँगाउँबाट सयौंको संख्यामा दर्शकहरु आउने गर्थे । हिजोआज फेसबुक लाइभलगायतका प्रविधिको प्रयोगले गर्दा प्रत्यक्ष उपस्थित भएर जात्रा अवलोकन गर्न आउनेको संख्या घट्दो छ ।