विभिन्न मागसहित काठमाडौंमा थारूहरूको सभा
काठमाडौँ — टीकापुर घटनाको झुटा मुद्दा फिर्ता, थारु आरक्षणसम्बन्धी सर्वोच्च अदालतको फैसला कार्यान्वयनलगायतका माग राख्दै काठमाडौंमा टीकापुर विद्रोह सभा आयोजना भएको छ ।
थारु कल्याणकारिणी सभा, थरुहट थारुवान संयुक्त संघर्ष समिति उपत्यका आन्दोलन परिचालन समिति, काठमाडौं र थारुहरूको विभिन्न संस्थाको सहभागितामा माइतीघर मण्डलमा बिहीबार दिउँसो सभा आयोजना भएको हो । २०७२ साल भदौ ७ गते भएको टीकापुर घटनाको सम्झनामा थारुहरूले विद्रोह दिवस मनाउँदै आएका छन् ।