ढकमक्क ज्याकारान्डा

विशेषगरी काठमाडौंका सडकछेउमा देखिने यो फूललाई स्थानीय नेवार समुदायमा भने ‘चखुँचा स्वाँ’अर्थात् भँगेरी फूल भनेर पनि चिन्छन् । वनस्पतिविद् डा. तीर्थबहादुर श्रेष्ठका अनुसार काठमाडौंका सडकछेउमा यस्ता फूल फुल्न थालेको आधा दशकजति मात्रै भएको छ । साथै नेपालका लागि ज्याकारान्डा एक आयातित वनस्पति भएको विज्ञहरूको भनाइ छ ।

ब्राजिलको रैथाने वनस्पतिको रुपमा चिनिने यो सुन्दर फूल पछिल्लो समय काठमाडौं बाहिरका सहरहरूमा पनि फुलेको देखिन थालेका छन् । वैशाख-जेठको मौसममा गर्मी बढ्दै गर्दा यो फूल छपक्कै फुल्ने गर्छ । विशेषगरी दरबारमार्ग, रत्नपार्क, टुंडिखेल लगायतका सडकछेउमा ज्याकारान्डाले चर्किँदो घामका बीच पैदलयात्रीलाई शीतलता प्रदान गरिरहेको छ ।