माओवादीलाई विद्रोहको भाषा बदल्न बाध्य बनाएँ : नेपाल

आफू नेतृत्वको सरकार ढाल्न जनविद्रोह गरेको बताउने माओवादी पछि दलहरुसँग सहमतिमा आउन बाध्य भएको उनको जिकिर थियो । सर्लाहीको कार्यक्रममा आएका नेता नेपालले शनिबार सिमरा विमानस्थलमा पत्रकारसँग कुरा गर्दै थिए ।
नेपालले माओवादी शिविरलाई विशेष समिति मातहतमा ल्याउन हस्ताक्षर र हस्तान्तरण गर्न सहमत गराई शान्ति प्रकृयाको महत्वपूर्ण उपलब्धिको सुरुवात गरेको स्मरण गरे । उनले शान्ति र संविधानमा चासो नराखेकाले वर्तमान सरकारको औचित्य समाप्त भएको बताए ।
२०४७ को संविधानका एक मस्यौदाकारसमेत रहेका नेपालले दलहरुबीच समझदारी र लचकता भए तोकिएको समयमा संविधान जारी हुन सक्ने ठोकुवा गरे ।
 

प्रकाशित : पुस १६, २०६८ १७:०१