भजनशिरोमणि भक्तराज आचार्यको निधन 

अक्सिजन लेभल घटेपछि मेडिसिटी अस्पताल लैजाने क्रममा आचार्यको मृत्यु भएको लम्सालले जानकारी दिए । उनले भने, 'दसैंताका बुवा घरमै लड्नु भएको थियो । त्यसपछि उहाँ आराम गरिरहनु भएको थियो । उहाँको स्वास्थ्यमा सुधारसमेत भइरहेको थियो । तर सोमबार एक्कासि अक्सिजन लेभल घटेपछि उहाँलाई म र स्वरूप दाइ मिलेर मेडिसिटी अस्पताल लैजाँदै थियौँ । त्यही क्रममा उहाँको निधन भएको हो ।' समयमै अस्पताल पुर्‍याए पनि चिकित्सकले 'ब्रट डेड' घोषणा गरेको लम्सालले बताए ।

०४६ साल मंसिर १९ गतेको एउटा दुर्घटनापछि आचार्यको स्वर र सुर हराएको थियो । उनले करिब ४ सयजति गीत, गजल, भजन, राष्ट्रिय गीत र बालगीत गाएका छन् ।

आचार्यको पार्थिव शरीर आज अस्पतालमै राखिने र मंगलबार श्रद्धाञ्जली कार्यक्रम राखिने लम्सालले बताए । आचार्यका श्रीमती, दुई छोरा-बुहारी र दुई नाति छन् ।

भक्तराज आचार्यको अन्तर्वार्ता

• भक्तराज आचार्यसँग अन्तर्वार्ता : यहाँ ‘अ–सुर’ हरूको राज छ !