मन्त्री मोदीले भने- कतिखेर कसको पद जान्छ‚ टुंगो हुँदैन !

मन्त्रालयमा बिहीबार पत्रकार सम्मेलन आयोजना गर्दै मन्त्री मोदीले सञ्चार माध्यममा आएजस्तो आफूलाई फिर्ता बोलाउनेबारे आफूलाई कुनै जानकारी नभएको बताएका हुन् । पार्टीबाट मन्त्रिपरिषद्‌मा थारू समुदायको आफू एक्लै रहेको र खराब काम पनि नगरेको भन्दै प्रधानमन्त्रीले आफूलाई फिर्ता नबोलाउनेमा विश्वास रहेकको भनाइ थियो ।

‘मान्छेको जीवन त सधैँ रहँदैन । यो पद, प्रतिष्ठा भनेको आवधिक हो । कुन बेला, कतिखेर कसको पद जान्छ टुंगो हुँदैन । तर, अहिले मेरै पदको कुरामा भन्नुभयो भने मन्त्री पदमा, त्यस्तो लाग्दैन,' उनले भने, 'प्रधानमन्त्रीले बुझ्नुभएको छ मेचीदेखि महाकालीसम्म म थारू समुदायको मान्छे, जातीय रुपमा । क्याबिनेटमा एउटा थारु छु म । त्यसमा पनि म त्यति साह्रै खराब काम गर्ने मान्छे पनि होइन । उहाँको कुरा मलाई थाहा छैन । तर मलाई अहिलेसम्म जानकारी त्यस्तो छैन ।’

आफू मन्त्री भएर आएसँगै मन्त्रालय र कर्मचारी प्रशासनभित्र सुधारका कामहरू गरेको मोदीको भनाइ थियो ।