एमालेले किन समर्थन फिर्ता लियो, देश दुनियाँलाई थाहा छ : पौडेल

सोमबार बसेको प्रतिनिधिसभा बैठकमा विश्वासको मत सम्बन्धी प्रस्तावको छलफलमा भाग लिँदै समर्थन किन फिर्ता लिएको भन्ने विषय प्रधानमन्त्री दाहाललाई सबैभन्दा बढी थाहा रहेको उनले बताए ।

'प्रधानमन्त्रीज्यूले आफ्नै मनलाई सोधे हुन्छ एमालेले किन विश्वासको मत फिर्ता लियो भनेर' पौडेलले भने, 'नेपालको इतिहासमा परराष्ट्रमन्त्रीप्रति जुन प्रकारको अपमान भएको छ । त्यो नेपालको मात्रै कुरा थिएन देशको इज्जतसँग जोडिएको विषय थियो । यो लुकेको कुरा होइन । सबैलाई थाहा छ ।'

सांसद पौडेलले सबैलाई थाहा भएको विषयमा प्रधानमन्त्रीले सदन र देशवासीलाई सोधिरहनु नपर्ने भन्दै व्यंग्य गरेका थिए ।