उत्तम शर्मा

सामुदायिक विद्यालयप्रति अभिभावकको विश्वास घट्दै गएकाले धेरैजसोले निजी विद्यालयको सिको गर्दै अहिले अंग्रेजी माध्यममा पढाइरहेका छन् । खास गरी सहरी क्षेत्रका सामुदायिक विद्यालयहरूले अंग्रेजी माध्यमलाई विद्यार्थी तान्ने एक मात्र रणनीतिका रूपमा उपयोग गरिरहेका छन् ।

पछिल्ला केही दशकमा नेपालले विद्यालय उमेरका बालबालिकाको भर्नादरमा ठूलो फड्को मारिसकेको छ । तर पनि गुणस्तर आयाममा गर्नुपर्ने काम अझै धेरै छ । नेपाल सरकार अन्तर्गतको शैक्षिक गुणस्तर परीक्षण केन्द्र, विभिन्न गैरसरकारी संस्था र स्वतन्त्र तेस्रो पक्षबाट गरिएका मूल्यांकनले विद्यार्थीहरूले निकै कम सिकिरहेको स्पष्ट पारेका छन् ।