नवौं राष्ट्रिय हाप्किडो च्याम्पियनसिप सुरु
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
सुर्खेत — नेपाल हाप्किडो संघको आयोजना तथा राष्ट्रिय खेलकुद परिषद् तथा कर्णाली खेलकुद परिषद्को स्वीकृतिमा नवौं राष्ट्रिय हाप्किडो च्याम्पियनसिप आइतबार सुरु भएको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![नवौं राष्ट्रिय हाप्किडो च्याम्पियनसिप सुरु](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/hapkido-opening-1-1662024064944-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
प्रतियोगिताको कर्णाली प्रदेश सरकारका सामाजिक विकासमन्त्री वीरबहादुर शाहीले उद्घाटन गरे । उद्घाटन कार्यक्रममा कर्णाली प्रदेश खेलकुद परिषद्का सदस्य सचिव विश्वमित्र सञ्ज्याल, कर्णाली प्रदेश खेलकुद विकास परिषद्का उपाध्यक्ष प्रमोद हमाल उपस्थित थिए ।
शाहीले कर्णाली प्रदेशमा राष्ट्रिय च्याम्पियनसिपको आयोजना हुनु प्रदेश खेलकुदकै लागि गर्वको विषय भएको बताए ।
नेपाल हाप्किडो संघका अध्यक्ष तथा दक्षिण एसियाली हाप्किडो महासंघका अध्यक्ष कालीबहालुर घर्ती मगरले सबै प्रदेशमा चक्रिय रूपले कार्यक्रम आयोजना गर्ने नीतिअन्तर्गत अहिले कर्णालीमा आयोजना भएको बताए ।
कर्णाली प्रदेशको सुर्खेतमा हुने प्रतियोगितामा ५२ जिल्लाका खेलाडीको सहभागिता छ । यो च्याम्पियनसिपले नेपाली हाप्किडोलाई नयाँ दिशा दिने विश्वास रहेको हाप्किडो संघका मुख्य प्रशिक्षक प्रवीण गुरुङले बताए । क्युरोगी, होसिनसुल, हाइफल, लङफल र विपन टेक्निकमा प्रतिस्पर्धा हुनेछन् ।
संघको नियमित वार्षिक कार्यक्रम अनुसार च्याम्पियनसिप हुने लागेको हो । प्रत्येक संस्करण फरक प्रदेशमा आयोजना गर्ने नीतिअनुसार नवौं संस्करण कर्णालीमा हुने लागेको हो ।
शीर्ष तीन स्थान पाउने टोलीका साथै उत्कृष्ट महिला र पुरुष खेलाडीलाई नगद पुरस्कार प्रदान गरिने छ । उत्कृष्ट प्रशिक्षक र रेफ्रीलाई पनि नगद पुरस्कार प्रदान गरिने छ । उत्कृष्ट जिल्ला र स्कुल डोजाङलाई पनि सम्माीनत गरिने छ ।
कर्णाली प्रदेशको विशेषतालाई देशव्यापी रूपमा परिचित गराउन यो प्रतियोगिता उपयोगी साबित हुने विश्वास स्थानीय आयोजक कर्णाली प्रदेश हाप्किडो संघका अध्यक्ष गंगाराम तिमिल्सेनाको छ । पछिल्लो समय कर्णालीमा हाप्किडोको तीव्र विकास भइरहेको छ ।
प्रकाशित : असार २, २०८१ २२:३५