२३.१२°C काठमाडौं
युरो-२०२४ : पोल्यान्डमाथि नेदरल्यान्ड्सको पुनरागमन जित
ह्याम्बर्ग — नेदरल्यान्ड्सले युरो-२०२४ को समूह ‘डी’ मा १ गोलले पछाडि रहेको स्थिति उल्ट्याएर पोल्यान्डलाई आइतबार २–१ ले पराजित गरेको छ । खेलको ८३ औं मिनेटमा भाउट बेहर्स्ट डच टिमका लागि चलाखीपूर्ण निर्णायक गोल गरे ।
पोल्यान्डले एडम बुस्काको गोलले १६ औं मिनेटमा अग्रता लिएको थियो । उनले कर्नरमा प्राप्त अवसरलाई हेडबाट गोल गरे । पहिलो हाफकै २९ औं मिनेटमा नेदरल्यान्ड्सले बराबरी गोल फर्कायो ।
कोडी गाक्पोले पेनाल्टी एरियाबाट गरेको प्रहार डिफ्लेक्ट हुँदै गोलमा परिणत भएको थियो । यो जितसँगै नेदरल्यान्ड्सले समूहमा सुरुआती अग्रता लिएको छ ।
प्रतिक्रिया
